كل سنة وانت طيب ...كل سنة وانت معايا..وأنت اجمل ما فى كل حاجة
كل سنة وانت دايما يارب جنبى..كل سنة وانت دايما يارب جنبى..كل سنة وانت حنين
عليا وأنت رجلى وأنت سندى وضهرى وكل أهلى ..كل سنة وأحنا دايما يارب أقرب لبعض من الى قبلها.
مايو ان شاء الله حيبقى أحلى من أبريل..حيبقى أحلى ان شاء الله عشان ابريل فجئنه
انه حلو..اما مايو أصلا حلو..حلو عشان بتاعنا ...عشان احنا جينا فيه..جينا سوا فيه.
يارب ما تخذلش فيه ان شاء الله السنادى ويبقى أحلى كتير من ابريل .
حبيبى كبر سنة وبقى عنده 25 سنة يااااااااه دا عيد ميلادك الرابع الى بحضره معاك بس كل سنة بنحضرها سوا مش بحس بسنك قد ما بحس قد ايه أنا عشت معاك قد ايه من عمرك أنا بقى ليا فيك ...يمكن السنين الى بينا مش كتير بس دايما بحس انك أنت الى مربينى أصل شوفت وعرفت كل حاجة فى الدنيا ع ايدك...يمكن دى هو دا أكبر واهم سبب خالق مشكلة أنى مش قادرة أتحمل دلوقتى مسئولية بشكل عقل معاك يمكن حاسه بستمرار انك انت بس الى ينفع تبقى مسئول عنى ..عارفة ان دا مسبب ضغط عليك بس أنا أتعودت ع كدا بقالى سنين مش عارفة فجاة أغير دا فى سنة..اما فجأة فتحت عنيا ع ان الأرتباط الرسمى بيرهق بالمسئولية وانا فاكرة أنى كنت حرتاح ..عارفة ان دا من حقك عليا أنى أبقى جنبك وأشيل معاك بس عارف دا فى حد ذاته مشكلة بالنسبالى لأنك اول حد يدوقنى طعم انى ابقى مسؤولة تمام بكل حاجة من حد ..أنك تبقى عصبى ومش متحملنى دا بالنسبالى كارثة لأن دا يعتبر طفرة فى شخصيتك ..طفرة فى طبعك الى أنت عودتنى عليه .
وانا حبيتك عشانه ..عشان خطرى خليك دايما حبيبى الى عودنى عليه ..عشان انا بجد مش عارفة ابقى حد غير حبيبتك الى انت ربيتها ع أيدك ..وعودتها ع انها بنتك قبل ما تبقى حبيبتك .كنت طول الوقت بقولك ركز وخلى بالك انا كبرت سيبنى اعتمد ع نفسى واتصرف لوحدى..وانت كنت بتضايق من كدا ومكنتش بتسمع لحد منا أتعودت فعلا ع انى من غير مسئولية ..أنى بس مسئولة منك...اوعدنى انى حفضل أنا الى ربيتها ع أيدك وانك حتفضل انت الى ربتنى .
يارررررررررررب طولى فى عمره وباركلى فيه واجعل يومى قبل يومه يارب
ومتحوجنيش لحد فى الدنيا بعدك غير يارب ..يارب أنا عرفت كل حاجة معاه ..قربنا أكتر من بعض وسامحنا وقوينا نكون معاك مع بعض ..اجمع بينا ع خير ..واجعل ايامنا الجاية أحلى وأحلى من الى فاتت ..وعوده خير عن تعبه..وافتح ليه ابواب زرقا لا تعد يارب ..واجعلى سبب فى سعت رزقه ..يارب أذقنا لذة حلالك معا ..ولم شملنا عاجل يارب وليس أجل .
بحبك قد كل حاجة حلوة شفتها معاك وحشفها بأذن الله ..بحبك .
___________________________
بقلم حبيبتك
