ومكانك فى بالى وفى قلبى شاغل مكان
فى مكان كل حاجة بفكر فيها أو بفكر أعملها...بقالى كام سنة بخطط لحجات
وبفكر أعمل حجات..لكن كل شوية بأجلها عشان أقضى وقتها معاك أنت
عارف انهارده أول مرة اخد بالى ان كل الحجات دى أنا مأجلها بقالها سنين
ومن سنين بقول خليها بكره خليها بكره وبكره دا بقى كام سنة..أفكارى
متكركبة لدرجة انى حاسة ان فى خوردة فى دماغى .
أنهارده بس أكتشفت انك أنت وبس الى واخد أكبر مكان فى حياتى حتى الناس
الى أنا عايشة معاهم من تصرفاتهم بقيت عايشة معاهم بقضى وقت عشان
يبقى الوقت الجاى بتاعك ..أكتشفت ان مليش صحاب بجد غير صحابى الى قريبين ع النت وأنا أصلا عمرى ما شفتهم قبل كدا ووحدة صحبتى بجد هى الى طلعت بيها من مشوار سنين الدراسة الملل .
أنا أول مرة أبدأ أفكر بجد ..أنى أخد قرر بعدم مرواحى الكلية بسبب انى حسيت أنهارده ان حياتى فاضية الاك مش بنكر ولا عمرى حنكر انك مالى كل حياتى
وأنا أصلا مش عاوزة أبقى مع حد غيرك .
بس خايفة انى فجأة أحس انى انطويت ع نفسى جواك وانا أصلا كائن اجتماعى
مش بيعرف يعيش الا مع الناس مهما كانوا بس انا لقيت نفسى كدا من يوم ما فهمت الدنيا .
مش عارفة بكتبلك ليه وانا ممكن أقولك الكلام دا كله وأحنا مع بعض
يمكن عشان حسيت الفترة الاخيرة دى أنى بقيت بكعبل الكلام وبكلكعه وانا
بتكلم وياك ...وخايفة تتعود منى ع دا وانا عارفة ان دا ممل .
أو يمكن عشان بقالى كتير مش كتبت ليك او عشانك ....المهم أن قررت
أكتبلك جوابات
_____________________________________________________
shoshta
